ಇಸ್ಲಾಮನ್ನು ಅನ್ವೇಷಿಸಿ
ಅಲ್ಲಾಹ್
ನಂಬಿಕೆ
ಪವಿತ್ರೀಕರಣ
ಅಹದೀತ್ ಹೇಳಿಕೆಗಳು
ಇಸ್ಲಾಮ್ ಮತ್ತು ಶಾಸ್ತ್ರಗಳು
ಪ್ರವಾದಿಗಳು
ಜೀವನ ಚರಿತ್ರೆಗಳು
ಇಸ್ಲಾಮಿನ ಇತಿಹಾಸ
ಇಸ್ಲಾಮಿನ ಕಾನೂನು
ಇಸ್ಲಾಮ್ ಜೀವನಶೈಲಿ-ಸಂಸ್ಕೃತಿ
ಇಸ್ಲಾಮಿನಲ್ಲಿ ಮೂಲಭೂತ ಹಕ್ಕುಗಳು
ಪ್ರಚಲಿತ ವಿದ್ಯಮಾನ
ಮಾಸ ಪತ್ರಿಕೆಗಳು
ಅರೇಬಿಕ್
ನಾವು, ನಮ್ಮ ಮಕ್ಕಳು, ನಮ್ಮ ಸಂಬಂಧಿಗಳು ಅಥವಾ ನಾವು ಕಾಳಜಿವಹಿಸುವ ಇತರರು ಇದ್ದಕ್ಕಿದ್ದಂತೆ ಅನಾರೋಗ್ಯಕ್ಕೆ ಒಳಗಾದರೆ, ನಮ್ಮ ದಿನನಿತ್ಯದ ಸಾಮಾನ್ಯ ಜೀವನದ ಮೇಲೆ ಪರಿಣಾಮ ಬೀರುತ್ತದೆ. ನಾವು ಮನಸ್ಸಿನ ಶಾಂತಿಯನ್ನು ಸಹ ಕಳೆದುಕೊಳ್ಳುತ್ತವೆ, ನಾವು ಜೀವನದ ಕೆಲವು ಮೂಲಭೂತ ಸಂಗತಿಗಳನ್ನು ಅರ್ಥಮಾಡಿಕೊಂಡರೆ ಮತ್ತು ಅದಕ್ಕೆ ತಕ್ಕಂತೆ ವರ್ತಿಸಿದರೆ, ರೋಗವು ತರುವ ದೈಹಿಕ, ಮಾನಸಿಕ ಮತ್ತು ವಸ್ತು ನಷ್ಟದಿಂದ ನಾವು ನಮ್ಮನ್ನು ಮುಕ್ತಗೊಳಿಸಬಹುದು.
ನಮ್ಮೆಲ್ಮರ ಸೃಷ್ಟಿಕರ್ತನಿಂದ ಅವತೀರ್ಣವಾದ ಪವಿತ್ರ ಖುರ್ಆನಿನ ಪ್ರಕಾರ ಅನಾರೋಗ್ಯದ ಮನಸ್ಸಿನಲ್ಲಿಟ್ಟುಕೊಳ್ಳಬೇಕಾದ ಕೆಲವು ಸಂಗತಿಗಳು ಈ ಕೆಳಗಿನಂತಿವೆ:
- ರೋಗ ಒಂದು ರೀತಿಯ ಎಚ್ಚರಿಕೆಯಾಗಿದೆ!
ತನ್ನ ಬಿಡುವಿಲ್ಲದ ಜೀವನದ ಮಧ್ಯೆ ಮನಸ್ಸನ್ನು ತನ್ನನ್ನು ಸೃಷ್ಟಿಸಿದ ಮತ್ತು ಕಾಳಜಿ ವಹಿಸುತ್ತಿರುವ ಸೃಷ್ಟಿಕರ್ತನ ಬಗ್ಗೆ ಮತ್ತು ಮಾನವ ಜೀವನದ ನಿಜವಾದ ಉದ್ದೇಶವನ್ನು ಮರೆತುಬಿಡುತ್ತಾನೆ. ಆ ಜೀವನದ ಸತ್ಯಗಳನ್ನು ಅರಿತುಕೊಳ್ಳಲು ಮತ್ತು ಮನುಷ್ಯನನ್ನು ಸಾಮಾನ್ಯ ಸ್ಥಿತಿಗೆ ತರಲು ರೋಗವು ದೇವರಿಂದ ಅನುಗ್ರಹಿಸಲ್ಪಟ್ಟ, ಎಚ್ಚರಿಕೆಯಾಗಿ ಕಾರ್ಯನಿರ್ವಹಿಸುತ್ತದೆ.
- ಬನ್ನಿ ನಮ್ಮೆಲ್ಲರ ಸೃಷ್ಟಿಕರ್ತನನ್ನು ತಿಳಿದುಕೊಳ್ಳೋಣ.
ನಾವು ಅನಾರೋಗ್ಯಕ್ಕೆ ಒಳಗಾದಾಗ, ನಮ್ಮ ಸೃಷ್ಟಿಕರ್ತ ಮತ್ತು ಆತನ ಗುಣಲಕ್ಷಣಗಳನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯ, ಖುರ್ಆನ್ನಲ್ಲಿ, ಅಲ್ಲಾಹನು ಹೇಳುತ್ತಾನೆ,
1. ಹೇಳಿರಿ; ಅವನು ಅಲ್ಲಾಹು ಏಕಮಾತ್ರನು (ಅದ್ವಿತೀಯನು) 2. ಅಲ್ಲಾಹನು ಎಲ್ಲ ಅಗತ್ಯಗಳಿಂದ ಮುಕ್ತನು. 3. ಅವನಿಗೆ ಯಾರೂ ಜನಿಸಿಲ್ಲ ಅವನು ಯಾರಿಗೂ ಜನಿಸಿದವನಲ್ಲ. 4. ಯಾರೂ ಅವನಿಗೆ ಸರಿಸಾಟಿಯಾಗಲು ಸಾಧ್ಯವಿಲ್ಲ. (ಖುರ್ಆನ್112:1-4)
(ಅಲಾಹ್ ಅಂದರೆ ಆರಾಧನೆಗೆ ಅರ್ಹನಾದ ಏಕೈಕ ದೇವ ಎಂದರ್ಥ.)
ದೇವರು (ಸೃಷ್ಟಿಕರ್ತ) ಅಂದರೆ ತನ್ನ ಸೃಷ್ಟಿಗಳಿಗಿಂತ ಭಿನ್ನವಾಗಿ, ಏಕಾಂಗಿಯಾಗಿ, ಯಾವುದರಿಂದಲೂ (ಜನನ, ಮರಣ, ಆರಂಭ, ಅಂತ ಇತ್ಯಾದಿಗಳನ್ನು ಮೀರಿ) ಸ್ವತಂತ್ರನಾಗಿರುತ್ತಾನೆ. ಅವನು ಎಂದೆಂದಿಗೂ ಆಸ್ತಿತ್ವದಲ್ಲಿರುತ್ತಾನೆ ಮತ್ತು ಅವನಿಗೆ ಯಾವುದೇ ರೂಪವಿಲ್ಲ.
- ಸೃಷ್ಟಿಕರ್ತನನ್ನು ನೇರವಾಗಿ ಪ್ರಾರ್ಥಿಸಿ.
"(ದೂತರೇ,) ನನ್ನ (ಅಲ್ಲಾಹನ) ದಾಸರು ನನ್ನ ಕುರಿತು ನಿಮ್ಮನ್ನು ವಿಚಾರಿಸಿದಾಗ (ಅವರಿಗೆ ತಿಳಿಸಿರಿ); ನಾನು ಅವರ ಹತ್ತಿರವೇ ಇದ್ದೇನೆ ಮತ್ತು ಕೂಗುವಾತನು ನನ್ನನ್ನು ಕೂಗಿದಾಗ ನಾನು ಅದಕ್ಕೆ ಉತ್ತರ ನೀಡುತ್ತೇನೆ. ಅವರಿನ್ನು ನನ್ನ ಕರೆಗೆ ಉತ್ತರ ನೀಡಲಿ ಮತ್ತು ನನ್ನಲ್ಲಿ ನಂಬಿಕೆ ಇಡಲಿ - ಅವರು ಸರಿದಾರಿಯನ್ನು ಪಡೆದವರಾಗಬಹುದು". (ಖುರ್ಆನ್ 2:186)
ಹೀಗೆ ಪವಿತ್ರ ಕುರ್ಆನ್ ಸೃಷ್ಟಿಕರ್ತನನ್ನು ನೇರವಾಗಿ ಆರಾಧಿಸಲು ಮತ್ತು ಯಾವುದೇ ಮಧ್ಯಸ್ಥಿಕೆ ಅಥವಾ ಮೂಢ ನಂಬಿಕೆ ಅಥವಾ ವ್ಯರ್ಥ ಆಚರಣೆಗಳಿಲ್ಲದೆ ಪ್ರಾರ್ಥಿಸಲು ಕಲಿಸುತ್ತದೆ ಮತ್ತು ಅನಾರೋಗ್ಯದಿಂದ ತ್ವರಿತ ಪರಿಹಾರವನ್ನು ಪಡೆಯಬೇಕು. ನಮ್ಮಲ್ಲಿರುವ ತೊಂದರೆಗಳು ಮತ್ತು ಕುಂದುಕೊರತೆಗಳನ್ನು ತೆಗೆದುಹಾಕಲು ನಾವು ಆತನಿಗೆ ಮನವಿ ಮಾಡಬೇಕು ಮತ್ತು ಅನಾರೋಗ್ಯದಿಂದ ತಕ್ಷಣ ಪರಿಹಾರ ಪಡೆಯಬೇಕು.
- ಸೃಷ್ಟಿಕರ್ತನ ಸೃಷ್ಟಿಗಳನ್ನು ಪ್ರಾರ್ಥಿಸುವುದು ಮತ್ತು ಆರಾಧಿಸುವುದು ನಿಷ್ಪ್ರಯೋಜಕವಾಗಿದೆ.
"ಅವನೇ ನನ್ನನ್ನು ಸೃಷ್ಟಿಸಿದವನು ಮತ್ತು ನನಗೆ ಸರಿದಾರಿ ತೋರುವವನು. ಅವನೇ ನನಗೆ ತಿನಿಸುವವನು ಹಾಗೂ ಕುಡಿಸುವವನು. ನಾನು ರೋಗಿಯಾದಾಗ ಅವನೇ ನನ್ನನ್ನು ಗುಣಪಡಿಸುವವನು. ಅವನೇ ನನಗೆ ಮರಣ ನೀಡುವವನು ಮತ್ತು ನನ್ನನ್ನು (ಮತ್ತೆ) ಜೀವಂತ ಗೊಳಿಸುವವನು". (ಖುರ್ಆನ್ 26:78-81)
ಸೃಷ್ಟಿಕರ್ತನನ್ನು ಹೊರತುಪಡಿಸಿ ಉಳಿದದೆಲ್ಲವೂ ಸೃಷ್ಟಿಗಳು, ಮಹೋನ್ನತನಾದ ಸೃಷ್ಟಿಕರ್ತನನ್ನು ತ್ಯಜಿಸಿ ಮತ್ತು ಅವನ ಅತ್ಯಲ್ಪ ಸೃಷ್ಟಿಗಳನ್ನು ಅವನ ಸ್ಥಾನದಲ್ಲಿ, ದೇವರುಗಳಾಗಿ ಬಳಸುವುದು ಮಹಾಪಾಪ ಮತ್ತು ಅವಮಾನಕರ ಕ್ರಿಯೆಯಾಗಿದೆ. ಅವರನ್ನು ಪೂಜಿಸುವುದು ಮತ್ತು ಪ್ರಾರ್ಥಿಸುವುದು ನಿಷ್ಪಯೋಜಕ ಕ್ರಿಯೆಯಾಗಿದೆ. ಇದು ದೇವನ ಕೋಪವನ್ನು ಆಹ್ವಾನಿಸುತ್ತದೆ ಮತ್ತು ಗುಣಪಡಿಸುವ ಪ್ರಕ್ರಿಯೆಯನ್ನು ಹಿಮ್ಮೆಟ್ಟಿಸುತ್ತದೆ, ಆದ್ದರಿಂದ ನಾವು ನಮ್ಮ ಸೃಷ್ಟಿಕರ್ತನನ್ನು ಮಾತ್ರ ಪ್ರಾರ್ಥಿಸಬೇಕು ಮತ್ತು ಆತನ ಸಹಾಯವನ್ನು ಪಡೆಯಬೇಕು.
- ಪ್ರಸ್ತುತ ಜೀವನವು ಒಂದು ಪರೀಕ್ಷೆ ಎಂದು ನಾವು ಅರಿತುಕೊಳ್ಳಬೇಕು
"ಪ್ರತಿಯೊಂದು ಜೀವವೂ ಮರಣವನ್ನು ಸವಿಯಲೇ ಬೇಕು. ಪುನರುತ್ಥಾನ ದಿನ ನಿಮಗೆ ನಿಮ್ಮ (ಕರ್ಮಗಳ) ಪೂರ್ಣ ಪ್ರತಿಫಲವು ಸಿಗಲಿದೆ. (ಅಂದು) ನರಕದಿಂದ ರಕ್ಷಿತನಾದವನು ಮತ್ತು ಸ್ವರ್ಗವನ್ನು ಪ್ರವೇಶಿಸಿದವನು ವಿಜಯಿಯಾದನು. ಇಹಲೋಕದ ಜೀವನವಂತೂ ಕೇವಲ ಒಂದು ಮೋಸದ ವ್ಯವಹಾರವೇ ಹೊರತು ಬೇರೇನೂ ಅಲ್ಲ." (ಖುರ್ ಆನ್ 3:185)
ಈ ತಾತ್ಕಾಲಿಕ ಜೀವನವು ಒಂದು ಪರೀಕ್ಷೆ ಮತ್ತು ಜಗತ್ತನ್ನು ಪರಿಕ್ಷಾ ಕ್ಷೇತ್ರವಾಗಿ ಸೃಷ್ಟಿಸಲಾಗಿದೆ ಎಂದು ಖುರ್ಆನ್ ಹೇಳುತ್ತದೆ. ಈ ಜಗತ್ತನ್ನು ಒಂದು ದಿನ ಸಂಪೂರ್ಣವಾಗಿ ನಾಶಪಡಿಸಲಾಗುತ್ತದೆ. ದೇವರು ಮತ್ತೆ ಆಜ್ಞಾಪಿಸಿದಾಗ, ಎಲ್ಲಾ ಮನುಷ್ಯರನ್ನು ಅಂತಿಮ ತೀರ್ಪಿಗಾಗಿ ಮತ್ತೆ ಜೀವಕ್ಕೆ ತರಲಾಗುತ್ತದೆ. ಒಳ್ಳೆಯ ಜನರಿಗೆ ಅನಂತ ಸಂತೋಷಗಳಿಂದ ತುಂಬಿದ ಸ್ವರ್ಗವನ್ನು ನೀಡಲಾಗುವುದು ಮತ್ತು ಪಾಪಿಗಳಿಗೆ ನರಕದಲ್ಲಿ, ಶಿಕ್ಷೆಯಾಗುತ್ತದೆ. ಸ್ವರ್ಗ ಮತ್ತು ನರಕ ಎರಡರಲ್ಲೂ ಜೀವನವು ಶಾಶ್ವತವಾಗಿರುತ್ತದೆ.
- ಸ್ವರ್ಗ ಮತ್ತು ನರಕ ನಮ್ಮ ರಾತ್ಮಕ ವಾಸಾನಗಳು
ಸ್ವರ್ಗವು ಶಾಂತಿ ಮತ್ತು ನೆಮ್ಮದಿಯ ಸ್ಥಳವಾಗಿದೆ, ಆತಂಕ, ದುಷ್ಟ, ದ್ವೇಷ, ಆಯಾಸ, ರೋಗ, ವೃದ್ಧಾಪ್ಯ, ಕ್ಷಾಮ ಅಥವಾ ಅಂತಹ ಯಾವುದಕ್ಕೂ, ಅಲ್ಲಿ ಸ್ಥಳವಿಲ್ಲ. ಸ್ವರ್ಗವು ಅನಿರೀಕ್ಷಿತ ಸಂತೋಷಗಳಿಂದ ತುಂಬಿದ ಸ್ಥಳವಾಗಿದೆ. ದೇವನು ಉದ್ಯಾನಗಳು, ಉದ್ಯಾನವನಗಳು, ಪರಿಶುದ್ಧ ಬುಗ್ಗೆಗಳು, ಎತ್ತರದ ಮಹಲುಗಳು, ರುಚಿಕರವಾದ ಹಣ್ಣು, ಆಹಾರ ಮತ್ತು ಪಾನೀಯವನ್ನು ಹೇರಳವಾಗಿ ಏರ್ಪಡಿಸುವ ಸ್ಥಳ ಸ್ವರ್ಗವಾಗಿದೆ. ಅದೇ ಸಮಯದಲ್ಲಿ ದೇವನ ಆಶೀರ್ವಾದಕ್ಕೆ ಕೃತಜ್ಞತೆ ಸಲ್ಲಿಸದ ಮತ್ತು ಅವಿಧೇಯ ಮತ್ತು ದುರಹಂಕಾರದ ಜೀವನವನ್ನು ನಡೆಸಿದವರಿಗೆ ನರಕವಿದೆ, ಅದು ಸುಡುವ ಬೆಂಕಿ, ಅಸಹನೀಯ ಹಸಿವು ಮತ್ತು ಬಾಯಾರಿಕೆಯ ಮಧ್ಯೆ ಜೀವಿಸುವ ಶಾಶ್ವತ ಜೀವನವಾಗಿದೆ. ಹಸಿವು ಮತ್ತು ಬಾಯಾರಿಕೆಯನ್ನು ನೀಗಿಸಿಕೊಳ್ಳಲು ಮುಳ್ಳಿನ ಸಸ್ಯಗಳು ಮತ್ತು ಹೆಚ್ಚು ಕುದಿಯುವ ದ್ರವ ಇರುತ್ತದೆ.
ಖುರ್ಆನ್ನಲ್ಲಿ, ಸ್ವರ್ಗ’ ಮತ್ತು ನರಕದ ಬಗ್ಗೆ ಅನೇಕ ಉಲ್ಲೇಖಗಳಿವೆ. ಉದಾಹರಣೆಗೆ:
- “ಧರ್ಮನಿಷ್ಠರಿಗೆ ವಾಗ್ದಾನ ಮಾಡಲಾಗಿರುವ ಸ್ವರ್ಗವು (ಹೀಗಿರುತ್ತದೆ); ಅದರಲ್ಲಿ ಎಂದೂ ಮಲಿನವಾಗದ ನೀರಿರುವ ನದಿಗಳಿರುವವು ಹಾಗೂ ರುಚಿ ಬದಲಾಗದ ಹಾಲಿನ ನದಿಗಳು, ಕುಡಿಯುವವರಿಗೆ ತುಂಬಾ ಸ್ವಾದಿಷ್ಟವಾಗಿರುವ ಮದಿರೆಯ ನದಿಗಳು ಮತ್ತು ಶುದ್ಧ ಜೇನಿನ ನದಿಗಳಿರುವವು. ಅಲ್ಲಿ ಅವರಿಗಾಗಿ ಎಲ್ಲ ಬಗೆಯ ಫಲಗಳಿರುವವು ಮತ್ತು ಅವರ ಒಡೆಯನ ಕಡೆಯಿಂದ ಕ್ಷಮಾದಾನ ಸಿಗುವುದು. ಇಂಥವರು (ಸ್ವರ್ಗವಾಸಿಗಳು), ಸದಾಕಾಲ ನರಕದಲ್ಲೇ ಇರುವ ಹಾಗೂ ಕರುಳುಗಳನ್ನು ಚೂರು ಚೂರಾಗಿಸುವಂತಹ ಕುದಿಯುವ ನೀರನ್ನು ಕುಡಿಸಲಾಗುವ ವ್ಯಕ್ತಿಗೆ ಸಮನಾಗಬಲ್ಲರೇ?”(ಖುರ್ಆನ್ 47:15)
- “ಖಂಡಿತವಾಗಿಯೂ ನರಕವು ಹೊಂಚು ಹಾಕುತ್ತಿದೆ. ಅದುವೇ ವಿದ್ರೋಹಿಗಳ ನೆಲೆಯಾಗುವುದು. ಯುಗ ಯುಗಾಂತರ ಕಾಲ ಅವರು ಅದರಲ್ಲಿ ಬಿದ್ದು ಕೊಂಡಿರುವರು. ಅಲ್ಲಿ ಅವರು ಯಾವುದೇ ತಂಪು ವಸ್ತುವಿನ ಅಥವಾ ಯಾವುದೇ ಪಾನೀಯದ ರುಚಿ ಕಾಣಲಾರರು. ಅಲ್ಲಿ ಅವರಿಗೆ ಸಿಗುವುದು, ಕುದಿಯುವ ನೀರು ಮತ್ತು ಹರಿಯುವ ಕೀವು ಮಾತ್ರ”. (ಖುರ್ಆನ್ 78:21)
- ಅನಾರೋಗ್ಯವು ಪರೀಕ್ಷೆಯ ಒಂದು ಭಾಗವಾಗಿದೆ!
“ಭಯ ಹಾಗೂ ಹಸಿವುಗಳ ಮೂಲಕ ಹಾಗೂ ಸೊತ್ತುಗಳ, ಜೀವಗಳ ಮತ್ತು ಬೆಳೆಗಳ ನಷ್ಟದ ಮೂಲಕ ನಾವು ನಿಮ್ಮನ್ನು ಖಂಡಿತ ಪರೀಕ್ಷಿಸಲಿದ್ದೇವೆ. ಸಹನಶೀಲರಿಗೆ ಶುಭವಾರ್ತೆ ನೀಡಿರಿ. ಅವರು ತಮಗೇನಾದರೂ ವಿಪತ್ತು ಎದುರಾದಾಗ ‘‘ಖಂಡಿತ ನಾವು ಅಲ್ಲಾಹನಿಗೆ ಸೇರಿದವರು ಮತ್ತು ಖಂಡಿತ ನಾವು ಅವನೆಡೆಗೇ ಮರಳಲಿಕ್ಕಿರುವವರು’’ ಎನ್ನುತ್ತಾರೆ". (ಖುರ್ಆನ್ 2:155,156)
ಪ್ರಸ್ತುತ ಜೀವನವು ನಮಗೆ ಒಂದು ಪರಿಕ್ಷೆಯಾಗಿರುವುದರಿಂದ ರೋಗ ಅಥವಾ ಇತರ ವಿಪತ್ತುಗಳು ಸಂಭವಿಸುವುದು ಇಲ್ಲಿ ಸಾಮಾನ್ಯವಾಗಿದೆ, ಅಂತಹ ಘಟನೆಗಳ ಸಂದರ್ಭದಲ್ಲಿ, ನಾವು ಶಾಶ್ವತ (ಇಹ ನಂತರದ) ಜೀವನದ ಬಗ್ಗೆ ಯೋಚಿಸಬೇಕು ಮತ್ತು ತಾಳ್ಮೆಯಿಂದಿರಬೇಕು. ಮೇಲಿನ ಸೂಕ್ತದ ಪ್ರಕಾರ, “ನಾವು ದೇವರಿಗೆ ಸೇರಿದವರು, ಮತ್ತು ನಾವು ಆತನ ಬಳಿಗೆ ಹಿಂದಿರುಗುತ್ತೇವೆ” ಎಂದು ಹೇಳಿದರೆ ಅನಾರೋಗ್ಯದ ಸಮಯದಲ್ಲಿ ತೊಂದರೆಗೀಡಾದ ಆತ್ಮಕ್ಕೆ ಇದು ನಿಜವಾಗಿಯೂ ದೊಡ್ಡ ಸಾಂತ್ವನವನ್ನು ನೀಡುತ್ತದೆ. ವಿಪತ್ತಿನ ಸಮಯದಲ್ಲಿ ಆತನು ನಮ್ಮೊಂದಿಗಿದ್ದಾನೆ ಎಂಬ ದೇವನ ಸ್ಮರಣೆಯು ಆರೋಗ್ಯವನ್ನು ಮೊದಲಿಗಿಂತಲೂ ಉತ್ತಮಗೊಳಿಸುತ್ತದೆ.
ಪ್ರವಾದಿ (ಸ) ಹೇಳಿದರು: ಪರೀಕ್ಷೆಗೆ ಒಳಗಾದ ಒಬ್ಬ ವ್ಯಕ್ತಿಯು ‘ಇನ್ನಾಲಿಲ್ಲಾಹಿ ವ ಇನ್ನಾ ಇಲೈಹಿ ರಾಜಿವೂನ್ (ಖಂಡಿತ ನಾವು ಅಲ್ಲಾಹನಿಗೆ ಸೇರಿದವರು ಮತ್ತು ಖಂಡಿತ ನಾವು ಅವನೆಡೆಗೇ ಮರಳಲಿಕ್ಕಿರುವವರು)’ ಎಂದು ಹೇಳಿ ಮತ್ತು ಹೀಗೆ ಪ್ರಾರ್ಥಿಸಿ” ಓ ಸೃಷ್ಠಿಕರ್ತನೇ, ನಾನು ಅನುಭವಿಸಿದ ದುಃಖಕ್ಕೆ ನನಗೆ ಪರಿಹಾರ ನೀಡು, ಮತ್ತು ನಾನು ಕಳೆದುಕೊಂಡದ್ದಕ್ಕಿಂತ ಉತ್ತಮವಾದದನ್ನು ದಯಪಾಲಿಸು” ದೇವರು ಖಂಡಿತವಾಗಿಯೂ ಅವನಿಗೆ ಅತ್ಯುತ್ತಮವಾದುದನ್ನು ದಯಪಾಲಿಸುತ್ತಾನೆ”. (ಹದೀಸ್ ಮುಸ್ಲಿಂ)
- ಪಾಪಗಳಿಂದ ಪ್ರಾಯಶ್ಚಿತ್ತವನ್ನು ಪಡೆಯುವುದು
ರೋಗದ ಚಿಕಿತ್ಸೆಗಾಗಿ ನಾವು ಪ್ರಾರ್ಥಿಸುವ ಮೊದಲು ನಾವು ನಮ್ಮ ಪಾಪಗಳಿಂದ ಹೊರಬರಬೇಕು, ನಾವು ದೇವರಿಂದ ಕ್ಷಮೆ ಕೇಳಬೇಕು, ನಮ್ಮ ಪ್ರಾರ್ಥನೆಗಳನ್ನು ದೇವರು ಸ್ವೀಕರಿಸಬೇಕಾದರೆ ನಮ್ಮ ಆಹಾರ, ದೇಹ ಮತ್ತು ವಸ್ತುಗಳನ್ನು ನ್ಯಾಯವಾದ ರೀತಿಯಲ್ಲಿ, ಸಂಪಾದಿಸಬೇಕು.
- ವೈದ್ಯಕೀಯ ಚಿಕಿತ್ಸೆ ತೆಗೆದುಕೊಳ್ಳುವುದು ಕಡ್ಡಾಯ
ಮೇಲೆ ತಿಳಿಸಿದ ಜೀವನದ ಸಂಗತಿಗಳೊಂದಿಗೆ ನಮ್ಮ ಮನಸ್ಸನ್ನು ಬಲಪಡಿಸುವುದರ ಜೊತೆಗೆ, ರೋಗಕ್ಕೆ ಸೂಕ್ತವಾದ ವೈದ್ಯಕೀಯ ಚಿಕಿತ್ಸೆಯನ್ನು ತೆಗೆದುಕೊಳ್ಳಲು ನಾವು ಪ್ರಯತ್ನಿಸಬೇಕು. ಈ ರೋಗವನ್ನು ಜೀವನದ ಪರೀಕ್ಷೆಯನ್ನಾಗಿ ಮಾಡಿರುವುದು ಸೃಷ್ಟಿಕರ್ತ, ಚಿಕಿತ್ಸೆಯನ್ನು ತೆಗೆದುಕೊಳ್ಳುವಂತೆ ಸೃಷ್ಟಿಕರ್ತನೇ ನಮಗೆ ಸೂಚಿಸಿರುತ್ತಾನೆ.
ಪ್ರವಾದಿ ಮುಹಮ್ಮದ್(ಸ) ಹೇಳಿದ್ದಾರೆ ” ವೈದ್ಯಕೀಯ ಚಿಕಿತ್ಸೆ ಪಡೆದುಕೊಳ್ಳಿ, ಏಕೆಂದರೆ ಅಲ್ಲಾಹನು ಸಾವನ್ನು ಹೊರತುಪಡಿಸಿ ಎಲ್ಲಾ, ಕಾಯಿಲೆಗಳಿಗೆ ಔಷಧವನ್ನು ಸೃಷ್ಟಿಸಿದ್ದಾನೆ” (ಹದೀಸ್: ಅಬು ದಾವೂದ್)
10, ಪವಿತ್ರ ಖುರ್ಆನ್ ಕೂಡ ಒಂದು ರೋಗಪರಿಹಾರಕವಾಗಿದೆ.
ಚಿಕಿತ್ಸೆಯ ಸಮಯದಲ್ಲಿ, ನಾವು ಔಷಧವನ್ನು ತೆಗೆದುಕೊಳ್ಳಬೇಕು ಮತ್ತು ಖುಆನಿನ ಸೂಕ್ತಗಳನ್ನು ಸಮಾನಾಂತರವಾಗಿ ಓದಬೇಕು, ಅವರಲ್ಲಿಯೂ ಚಿಕಿತ್ಸೆ ಇದೆ.
ಸೃಷ್ಟಿಕರ್ತ ಹೇಳುತ್ತಾನೆ “...ಹೇಳಿರಿ; ಇದು ನಂಬುವವರ ಪಾಲಿಗೆ ಮಾರ್ಗದರ್ಶಿ ಹಾಗೂ ಗುಣಕಾರಿಯಾಗಿದೆ... ” (ಖುರ್ನ್ 41:44)
ಗುಣಪಡಿಸುವುದಕ್ಕಾಗಿ ಖುರ್ಆನಿನ ಸೂಕ್ತಗಳ ಪಠಣ:
ಅನಾರೋಗ್ಯದ ಸಮಯದಲ್ಲಿ ಶಿಫಾರಸು ಮಾಡಲಾದ ಖುರ್ಆನ್ ನ ಕೆಲವು ಅಧ್ಯಾಯಗಳ ಲಿಪ್ಯಂತರ ಮತ್ತು ಕನ್ನಡ ಅರ್ಥವನ್ನು ಕೆಳಗೆ ನೀಡಲಾಗಿದೆ. ಓದುಗರು ಅಥವಾ ಅನಾರೋಗ್ಯದ ವ್ಯಕ್ತಿ ಈ ಸೂಕ್ತಗಳನ್ನು ಪಠಿಸಬಹುದು ಮತ್ತು ದೇವರಿಂದ ಗುಣಮುಖರಾಗಬೇಕೆಂದು ಪ್ರಾರ್ಥಿಸಬಹುದು. ಸೃಷ್ಟಿಕರ್ತನು ಮಾತ್ರ ಆರಾಧನೆಗೆ ಅರ್ಹನೆಂದು ಮನಸ್ಪೂರ್ತಿಯಾಗಿ ನಂಬುವವರಿಗೆ ಇದು ಪ್ರಯೋಜನವನ್ನು ನೀಡುತ್ತದೆ ಎಂಬುದನ್ನು ನಾವು ನೆನಪಿನಲ್ಲಿಟ್ಟುಕೊಳ್ಳೋಣ.
ಖುರ್ಆನ್ ನ ಆರಂಭಿಕ ಅಧ್ಯಾಯ – ಅಲ್ ಫಾತಿಹಾ
ಬಿಸ್ಮಿಲ್ಲಾಹಿರ್ ರಹಮಾನಿರ್ ರಹೀಂ
ಅಲ್ಹಮ್ದು ಲಿಲ್ಲಾಹಿ ರಬ್ಬಿಲ್ ಆಲಮೀನ್
ಅರ್-ರಹಮಾನಿರ್ರಹೀಮ್
ಮಾಲಿಕಿ ಯೌಮಿದ್ದೀನ್
ಇಯ್ಯಾಕ ನಾ’ಬುದು ವ ಇಯ್ಯಾಕನಸ್ತ’ಯೀನ್
ಇಹದಿನಸ್-ಸಿರಾತಲ್-ಮುಸ್ತಕೀಮ್
ಸಿರಾತಲ್-ಲಝೀನಾ ಅನ್'ಅಮ್ತ 'ಅಲೈಹಿಂ
ಘೈರಿಲ್-ಮಗ್ದೂಬಿ' ಅಲೈಹಿಂ
ವ ಲದ್-ದಾಅಲೀನ್
ಅರ್ಥ: 1.ಅಲ್ಲಾಹನ ಹೆಸರಿಂದ – ಅವನು ಅಪಾರ ದಯಾಳು, ಕರುಣಾಮಯಿ. 2. ಪ್ರಶಂಸೆಗಳೆಲ್ಲಾ ಎಲ್ಲ ಲೋಕಗಳ ಒಡೆಯನಾದ ಅಲ್ಲಾಹನಿಗೆ. 3. ಅವನು ಅಪಾರ ದಯಾಳು, ಕರುಣಾಮಯಿ. 4. ಪ್ರತಿಫಲದ ದಿನದ ಮಾಲಕ. 5. (ಓ ಅಲ್ಲಾಹ್) ನಾವು ನಿನ್ನನ್ನು ಮಾತ್ರ ಪೂಜಿಸುತ್ತೇವೆ ಮತ್ತು ನಿನ್ನಿಂದ ಮಾತ್ರ ನೆರವನ್ನು ಬೇಡುತ್ತೇವೆ. 6. ನಮ್ಮನ್ನು ನೇರ ಮಾರ್ಗದಲ್ಲಿ ನಡೆಸು. 7. ನೀನು ಬಹುಮಾನಿಸಿದವರ ಮಾರ್ಗದಲ್ಲಿ (ನಡೆಸು); ನಿನ್ನ ಕೋಪಕ್ಕೆ ತುತ್ತಾದವರ ಮತ್ತು ದಾರಿ ತಪ್ಪಿದವರ ಮಾರ್ಗದಲ್ಲಿ ಅಲ್ಲ.
ಅಧ್ಯಾಯ 113 – ಅಲ್ ಫಲಕ್:
ಬಿಸ್ಮಿಲ್ಲಾಹಿರ್ ರಹಮಾನಿರ್ ರಹೀಂ
ಕುಲ್ ಅ’ಊದು ಬಿ ರಬ್ಬಿಲ್-ಫಲಕ್
ಮಿನ್ ಶರ್ರಿ ಮಾ ಖಲಕ್
ವಾ ಮಿನ್ ಶರ್ರಿ ಘಾಸಿಕಿನ್ ಇಝಾ ವಕಾಬ್
ವಾ ಮಿನ್ ಶರಿನ್-ನಫ್ಫಾ-ಸಾತಿ ಫಿಲ್ ‘ಉಕದ್
ವಾ ಮಿನ್ ಶರ್ ರಿ ಹಾಸಿದಿನ್ ಇಝಾ ಹಸದ್
ಅರ್ಥ :
1. ಹೇಳಿರಿ; ನಾನು, ಪ್ರಭಾತದ ಒಡೆಯ (ಅಲ್ಲಾಹ)ನಲ್ಲಿ ರಕ್ಷಣೆ ಕೋರುತ್ತೇನೆ – 2. ಅವನು ಸೃಷ್ಟಿಸಿರುವ ಎಲ್ಲವುಗಳ ಕೆಡುಕಿನಿಂದ (ಸುರಕ್ಷಿತನಾಗಿರಲು) 3. ಮತ್ತು ಕತ್ತಲೆಯು ಆವರಿಸುವಾಗ, ಅದರ ಕೆಡುಕಿನಿಂದ (ರಕ್ಷಣೆ ಕೋರುತ್ತೇನೆ) 4. ಮತ್ತು ಗಂಟುಗಳಲ್ಲಿ ಊದುವ (ಮಂತ್ರವಾದಿ) ಮಹಿಳೆಯರ ಕೆಡುಕಿನಿಂದ 5. ಮತ್ತು ಅಸೂಯೆ ಪಡುವವನು ಅಸೂಯೆ ಪಡುವಾಗ, ಅವನ ಕೆಡುಕಿನಿಂದ (ರಕ್ಷಣೆ ಕೋರುತ್ತೇನೆ).
ಅಧ್ಯಾಯ 114 – ಅನ್ ನಾಸ್:
ಬಿಸ್ಮಿಲ್ಲಾಹಿರ್ ರಹಮಾನಿರ್ ರಹೀಂ
ಕುಲ್ ಅ’ಊದು ಬಿರಬ್ಬಿನ್ ನಾಸ್
ಮಲಿಕಿನ್ ನಾಸ್
ಇಲಾಹಿನ್ ನಾಸ್
ಮಿನ್ ಶರ್ರಿಲ್ ವಸ್ ವಾಸಿಲ್ ಖನ್ನಾಸ್
ಅಲ್ ಲಜೀ ಯುವಸ್ ವಿಸು ಫೀ ಸುದೂರಿನ ನಾಸ್
ಮಿನಲ್ ಜಿನ್ನತಿ ವನ್ ನಾಸ್
1. ಹೇಳಿರಿ; ನಾನು ಮಾನವರ ಒಡೆಯ (ಅಲ್ಲಾಹ)ನಲ್ಲಿ ರಕ್ಷಣೆ ಕೋರುತ್ತೇನೆ. 2. ಅವನು (ಅಲ್ಲಾಹನು) ಮಾನವರ ದೊರೆ, 3. ಮಾನವರ ಆರಾಧ್ಯ. 4. (ಮನಸ್ಸಿನಲ್ಲಿ) ಗೊಂದಲ ಬಿತ್ತಿ ಹಿಂದೆ ಸರಿದು ಬಿಡುವವನ (ಶೈತಾನನ) ಕೆಡುಕಿನಿಂದ (ನಾನು ಅಲ್ಲಾಹನ ರಕ್ಷಣೆ ಕೋರುತ್ತೇನೆ). 5. ಅವನು ಮಾನವರ ಮನದಲ್ಲಿ ಗೊಂದಲಗಳನ್ನು ಬಿತ್ತುತ್ತಾನೆ. 6. ಅಂಥವನು ಜಿನ್ನ್ಗಳ ಪೈಕಿ ಇರಬಹುದು ಮತ್ತು ಮಾನವರ ಪೈಕಿಯೂ ಇರಬಹುದು.
